Artista senior nebe’é famozu ho kántiku foinsa’e Timor

Abito Gama hanesan artista senior ida ne’ebé famozu no koñesidu iha nasaun Timor-Leste.

Wainhira atu sai artista ida,ne’e hanesan prosesu ida ne’ebé mak iha tempu barak no tinan barak liu ba,prepara-an husi kiik kedas to’o ohin loron sai artista. Tempu uluk ne’e difisil maibé agora ne’e buat barak oin seluk ona. Uluk iha ami-nia tempu ne’e buat barak mak susar atu sai artista,maibé ohin loron ne’e fasil tebes kuandu halo gravasaun mós bele sai ona artista. Iha ami-nia tempu ne’e todan ne’ebé ami ida hamriik iha ne’e komprende barak ho buat ne’ebé mak ami aprende ho tempu ne’ebé mak naruk to’o ohin loron ami hamrik iha fatin ida ne’e;dehan Abitu Gama.

Ba ami sempre nakloke ba alin sira ne’ebé mak hakarak aprende ho dalan ne’ebé mak di’ak liliu ba sira ne’ebé mak hola parte iha eventu oi-oin,ne’ebé ba sira iha talentu di’ak bele fó sai,labele taka imi-nia a’an atu nune’e bele partisipa iha eventu didi’ak hanesan :DA(Dangdut Akademika)ho sira seluk tan. Barak ne’ebé mak agora ita-nia rai-laran sira halo hela aktividades,no imi bele mai partisipa atu nune’e bele foti imi-nia talentu.

Maun Abito Gama komesa hamoris muzika iha tinan 1999 mai leten, iha ita ukun-an Abito Gama komesa hakerek musika ona, no iha tinan 2002 ne’e komesa gravadu ona, depois iha tinan 2003-2004 to’o mai leten ne’e kuaze album barak ona.

 Iha ha’u-nia muzika ne’e ha’u produz mesak no dala-ruma ho kolega balun alendé ne’e kolega tokadór balun mós ajuda ha’u. Musika primeiru ne’ebé produz no kanta husi ha’u ho titulu mak: Lambe rai, iha muzika ne’ebé mak  ha’u kanta ho gender pop,tanba gender pop ne’e identidade ho ema Timor-oan ne’ebé mak gosta tebe(dahur) alénde ne’e mós sira balun gosta muzika ida ne’ebé mak liku; tenik Maun Abito Gama.

Ha’u hakarak dehan ba alin sira katak se imi iha talentu ne’e labele moe, tanba imi-nia tempu ne’e lahanesan ho ami-nian. Tempu imi nian buat hotu-hotu iha, imi bele halo buat barak liu ami, ne’ebé labele moe mai oin hodi bele partisipa eventu barak atu nune’e imi bele sai di’ak lia ami; lia-menon husi maun Abito Gama.  
Hakerek na'in  : Isabel da Costa.